<a href="//www.mt5.com/">Forex portal</a>
آخر المقالات

طريقة حذف موقع صراحة نهائيا

سبحان من اخفى عنا ما يجرح ارواحنا ..
مبدأيا تحية لكل واحد عمل اكونت على موقع صراحة .. لان دا شخص نضيف مش خايف من الناس ومش متوقع كلام سلبى عنه
وهو هو نفس الشخص اللى مدخلش كتب لحد كلام سلبي .. فمخافش انها تتردله و يتكتبله كلام من اصحاب النفوس الضعيفة والمرضى النفسيين
و بعد موجة الوقاحة اللى اتعرضنالها سواء من ناس حاقدة او كارهة او مريضة نفسيا .. فلازم الاكونت دا يختفى
و اتأكد ان محدش اتشتم او اتبعتله كلام جارح غير الشخص النضيف اللى معملش في غيره كده
و تأكد برده ان اللى معملش الاكونت دا هو اللى بيدخل يشتم فى الناس و خايف تتردله
المهم ندخل فى الموضوع ..
موقع صراحة مفهوش خيار حذف الاكونت .. و دى حاجة هتخليك كل شوية عندك فضول تدخل تشوف الرسائل اللى بتجيلك
طب الحل ايه ؟
الحل الوحيد والبسيط جدا .. انك تعمل كلمة سر للحساب انت مش فاكرها ولا هتفتكرها
ازاي ؟
هتفتح text و تكتب بالكيبورد اي ارقام و حروف عشوائية زي كده مثلا jkhewrlhkjkj432fz423kj4h234k
و تاخدها copy
و تدخل على اكونت صراحة بتاعك و تغير الباسورد بالشرح التالى ..
هتدوس هنا عشان تدخل اعدادات الحساب

و تختار الرقم السرى

هتكتب كلمة السر الاصلية بتاعتك فى اول خانة
بعد كده هتعمل paste فى الخانة التانية و التالتة لكلمة السر العشوائية اللى عملناها فى الـ Text
و تدوس كلمة تغيير

ولو المتصفح سألك عايز تحفظ كلمة السر الجديدة للحساب اختار No او Never حسب متصفحك
لانك لو معملتش كده الفضول هيخليك ترجع تفتح الاكونت تانى و يبقي معملناش حاجة
بعد تغيير كلمة السر اعمل خروج من الحساب

بكده مهما اتكتبلك من كلام يسعدك او يجرحك انت مش هتعرف تشوفه ..
و الموقع مفهوش خيار استرجاع كلمة السر .. فهتريح دماغك تماما
اللى بيحبك و تهمه هيقولك نقده البناء وجها لوجه .. و اللى ميعرفكش كلامه كده كده مش فارق معاك ويخبط دماغه فالحيط ..
و اخيرا .. تحية ليك مرة تانية عشان انت انسان مش حيوان ولا مريض نفسى 

الرابط المختصر للمقال الحالى //goo.gl/XZQG94

عن Ashraf Sherif

ا/ أشرف شريف هو المؤسس لموقع الفوركس العربى و شركة UniPips و المعروف بابو آدم
المدير الاقليمى و الممثل الرسمى لشركة Varianse البريطانية
درس الإعلام و العلاقات العامة و يعمل بمجال المونتاج بجانب شغفه للبورصة العالمية
و هو صاحب الفضل فى دخول شركات فوركس عديدة للوطن العربى مثل FBS, PepperStone, SynergyFX , Varianse

زيـارة الموقع
⇐ جميع المقالات
انشر المقال على :
608